Lajme - Premiere Ligue

Sulmuesi rus, Roman Pavlyuchenko, ka konfirmuar se do të largohet nga Spartak Moska dhe do të nënshkruajë me klubin e Premierligës, Tottenham Hotspur.

Pavlyuchenko është lidhur me një kalim në White Hart Lane gjatë gjithë verës, por komentet e fundit lënë të kuptohet se marrëveshja do të përfundohet së shpejti.

Derisa ekipi i tij Spartak Moska, do të përballet me Dynamo Kievin, në ndeshjen e dytë të Ligës së Kampionëve, sulmuesi ka konfirmuar se nuk do të udhëtojë me ekipin në Kiev.

“Jam rikthyer në Moskë dhe nuk do të luajë në Kiev, dhe mund të konfirmoj se do të kaloj në Tottenham”, citohet të ketë thënë sulmuesi për ueb faqen e UEFA-së në gjuhën ruse.

Por, marrëveshja ende nuk është përfunduar, dhe sulmuesi ka bërë të ditur se pret marrjen e vizës për të udhëtuar në Angli.

Sipas Daily Mail, skuadra e Chelseat ka në plan edhe një tjetër transferim të madh pas Robinhos. Mësohet se londinezët dëshirojnë t’i bëjnë konkurrencë Realit edhe në blerje, pasi që janë të interesuar për shërbimet e sulmuesit spanjoll, David Villa.

Mësohet që Roman Abramovich do ta bëjë një ofertë prej 50 milionë eurosh për sulmuesin e Valencias, pavarësisht se drejtuesit e skuadrës kanë thënë se ylli i tyre nuk është në shitje. 

Reali dhe Chelsea janë futur në një garë transferimesh, pasi që Blutë kërkojnë shërbimet e asit të tyre Robinho dhe ndërkohë dëshirojnë t’ua rrëmbejnë edhe sulmuesin e Valencias i cili është shumë i kërkuar nga Mbretërit.

Cesc Fabregas, i cili pas lëndimit do të kthehet në ekipin e topçinjve për ndeshjen e ardhshme kundër holandezëve të Twente, thotë se Arsenali nuk frikohet nga asnjë klub evropian.

Fabregas i ka huqur ndeshjet e para të sezonit të ri me Arsenalin, por pritet që ai të jetë në ekipin e parë që nesër, kur topçinjtë do të luajnë në shtëpi, në ndeshjen e kthimit kualifikuese për Ligën e Kampionëve, kundër ekpit holandez Twente.

“Ne nuk duhet të frikohemi nga askush. E pamë gjatë disa sezoneve të kaluara se mund ta fitojmë gjithkënd, andaj duhet të jemi pozitivë. Duhet të besojmë se këtë mund ta bëjmë sërish, të hyjmë në finale”, ka thënë spanjolli.

Sulmuesi bullgar, Dimitar Berbatov, i cili është pranë kalimit te Manchester United, pritet të jetë blerja e radhës e bujshme, për trajnerin Sir Alex Ferguson.

Ferguson synon me anë të bullgarit, të zgjidhë problemet në shënimin e golave, derisa Cristiano Ronaldo të gjejë formën ideale. Berbatov do të jenë një nga “yjet” që kanë shkelur në “Old Traford” gjatë 22 viteve të fundit. Por cilët ishit ata që më herët shkëlqyen në këtë fushë?

Ja renditja e dhjetë blerjeve më të mira të Alex:

Kristiano Ronaldo beson se është në rrugën e duhur për t’u rikthyer në fushën e lojës përpara përfundimit të muajit shtator. Mesfushori i Mançesterit po e kalon me hapa të përshpejtuar periudhën e rikuperimit dhe mund të jetë në gjendje të luajë që në ndeshjen e 27 shtatorit ndaj Boltonit. “Ndihem mirë dhe rikuperimi po ecën me ritme të kënaqshme. Shpresoj që të luaj me ‘Djajtë e Kuq’ para fundit të shtatorit. Ky është synimi im. Është e trishtueshme të humbasësh startin e sezonit të Premier Ligës, por jam i kënaqur me fazën e rehabilitimit dhe shpresoj të jem gati sa më shpejt”, tha autori i 42 golave në sezonin e shkuar.