VIP (Lajme,thashetheme,te reja per ta)

Për të gjitha vajzat që pëlqejnë Polin, vjen një lajm i mirë, Poli tashmë është vetëm. Ndërsa për ata fansa të programit shumë të ndjekur "Big Brother", të cilët pëlqyen dhe bekuan lidhjen mes dy protagonistëve shumë simpatikë, Ina dhe Poli, padyshim që ky lajm do t’i hidhërojnë.

“Jemi ndarë” ka cituar Polin gazeta “Panorama”, i cili nuk ka preferuar të japë shumë detaje për arsyet. Kjo edhe për faktin se nuk dëshiron që të hapë një luftë mediatike me ish- të dashurën e tij Inën. 

“Unë me 1 shtator nisem në Spanjë, një mundësi e siguruar nga “Top Channel”. Atje do të punoj si menaxher në një nga hotelet e ishujve Canarie. Duke e njohur veten time, mendoj se nuk jam tip që mbaj lidhje në distancë kështu që lidhja mori fund”. 

“Tani mendoj vetëm për Spanjën. Nëse do të më ofrohet ndonjë mundësi e mirë atje për punë dhe për shkollë, nuk do të mendohem dy herë por do të rri përgjithmonë”, ka thënë Poli.

Këngëtari i njohur shqiptar Alban Skenderaj përsëri nuk i ka kërkuar falje këngëtareve kosovare Flaka Krelani dhe Doruntina Disha për votën e tij në Festivalin e Radio Televizionit Shqiptar (RTSH).

Skenderaj gjatë një interviste të tij në emisionin “Përrallë me tupan”, në pyetjen e Valon Malokut se a do t’i kërkonte falje vajzave kosovare, ai i është përgjigjur në mënyrë diplomatike se kinse nuk ka dashur që të jetë pjesë e “dallavereve”, të jurisë së festivalit. 

Skenderaj edhe njëherë ka përsëritur këtë gjë ia ka thënë edhe Flakës, të cilën e ka shoqe të ngushtë, por edhe Doruntinës. Ai ka shtuar se një festival i tillë serioz sikurse është RTSH, nuk e ka lejuar atë të bëj dallavere me votën, pasi që sipas tij festivalet në Shqipëri janë më serioze së në Kosovë.

Supermodelja britanike Naomi Campbell, ka mohuar spekulimet se ajo ka pranuar një dhuratë të shtrenjtë nga i dashuri saj Vladimir Doronin- një shtëpi në Brazil.

Bukuroshja i ka kundërshtuar thashethemet se i është ofruar një banesë luksoze në shtetin e Amerikës Latine duke thënë se nuk lejon që meshkujt t’i blejnë asaj dhurata. 

“Nëse dëshiroj ta blej një shtëpi, do ta blej vetë. Nuk kam nevojë që një mashkull ta bëjë këtë për mua”, ka thënë Naomi.

Superylli i muzikës pop, Michael Jackson, do ta festojë ditëlindjen e pesëdhjetë me fëmijët e tij.

Hitbërësi i këngës “Thriller” i cili sot i mbush 50 vjet, ka thënë se nuk dëshiron të organizojë ndonjë ndejë luksoze, porse do ta kalojë ditën me tre fëmijët e tij, Prince Michael, Prince Michael II dhe Paris.

“Planifikoj ta kaloj ditën në shtëpi, të ha një pesë tortë me fëmijët e mi dhe ndoshta më vonë do të shikojmë filma të animuar”, ka thënë Jackson gjatë një interviste për programin Good Morning America.

Aktorja Jennifer Aniston ka vendosur të bëjë një rikthim në ekranin e vogël, pasi që do të marrë pjesë në serialin televiziv, “30 Rock”.

Ylli i hit serialit “Friends”, do të paraqitet si mysafire në episodin e ardhshëm të serialit komik, në të cilin luajnë Alec Baldwin dhe Tina Fey.

“Ajo është duke shkuar në xhirime. Karakteri i saj nuk do të ketë ndonjë specifikë të caktuar, por vetëm do të jetë mysafire e serialit”, ka thënë një zëdhënës për Aniston.

Brad Pitt është shndërruar në një hero gjatë Festivalit të Filmit në Venedik duke shpëtuar një fans të ri të mos mbetet në liqen.

Aktori ishte pajtuar të nënshkruante autografe për disa fansa të rinj në një anije, ndërsa gjatë këtij momenti një i ri kishte rrëshqitur dhe kishte rënë në ujë. 

Pitt e kishte kapur shpejt adhuruesin dhe e kishte kthyer në anije dhe pastaj kishte vazhduar të nënshkruante autografet. 

Aktori është në festivalin italian për të promovuar filmin e ti të ri “Burn After Reading”.

Modelja, këngëtarja dhe aktorja kosovare Diellza Kolgeci në një intervistë dhënë “Flladit Veror” në KTV ka folur për lidhjen e saj romantike me basketbollistin e njohur kosovar, Edis Kuraja.

Basketbollisti Kuraja ka qenë lojtar i K.B. Prishtina, Mabetex dhe së fundi luan për K.B. Peja. Kolgeci gjatë intervistës ka treguar po ashtu se basketbolli është një nga sportet e preferuara të saj. 

Por megjithëkëtë, ajo jo shpesh është e pranishme në ndeshjet në të cilat paraqitet Kuraja. Sipas modeles kjo ndodh për shkak të angazhimeve të shumta që ka.

Gjatë intervistës Kolgeci ka folur edhe për një tjetër pasion të saj. Fjala është për motoçiklizmin. Kolgeci njihet si një ndër femrat e para të kryeqytetit, për ngasje të motoçikletave. Por kohëve të fundit një gjë të tillë Kolgeci nuk është duke e praktikuar shumë, meqë e konsideron si një pasion ‘të rrezikshëm’.

SYlli i muzikës Reggae, Shaggy, shpreson të bashkëpunojë me yllin e muzikës pop, Britney Spears.

Shaggy ka thënë se ai do të kishte dashur shumë që ta largojë Britneyn nga zona e saj komode dhe ta njoftojë me skenën e muzikës Reggae. 

“Paramendojeni Britney Spearsin duke kënduar një këngë legjendare ‘dancehall’”, ka thënë Shaggy.

Prezantuesja e njohur shqiptare, Arbana Osmani, gjatë emisionit të Adi Krastës ka treguar një veshje të saj të brendshme të cilën ia ka ruajtur nëna e saj.

Emisionin “Njerëz të shtetit të ri” e transmeton Radio Televizioni i Kosovës edhe pse Adi Krasta nuk ka sqaruar se njerëz të shtetit të ri nuk janë Arbana Osmani, pasi që Arbana është banore e një shteti që tashmë i ka bërë gati 100 vjet. 

Sido që të jetë Arbana ka evokuar kujtime të ndryshme për drejtorin e Top Channel, dhe ka thënë se e ka pasur po ashtu vështirë që këtë lajm t’ia kumtoj banorëve të shtëpisë Big Brother.

Aktori Johnny Depp, i është rikthyer hobit të tij, muzikës, pasi që është ribashkuar me bendin “The Kids”, për të kënduar gjatë vikendit.

Depp u ngjit në skenë duke luajtur në kitarë dhe duke kënduar vokalin përcjellës të bendit gjatë koncerteve 90-minutëshe për grumbullimin e parave, që u zhvilluan të premten dhe të shtunën në Florida.

Aktori 45-vjeçar iu bashkua bendit “The Kids”, që kur ishte student në Miramar, Florida, duke u zhvendosur në Los Angeles me ta në kërkim të një marrëveshje editimi. Por, Depp vendosi të ndjekë karrierën si aktor, pas prishjes së bendit, para se ata të ribashkohet sërish vitin a kaluar.

Këngëtarja kontroverse, Big Mama, vazhdon me fjalët e saja interesante. Pas një interviste ku kishte thënë se i pëlqente të hajë pas seksit, dhe intervistës tjetër ku thoshte jam e virgjër, ajo ka vazhduar edhe me një avaz tjetër.

Big Mama ka premtuar në Tiranë se do të bëjë një “party” të madhe në Shqipëri nëse arrin ta largojë nga trupi i saj dhjamin e tepërt, i cili si duket i është bërë kompleks këngëtares edhe pse si e trashë ajo duket më me stil. 

Kohëve të fundit Biggy është në qendër të mediave shqiptare, sidomos për deklaratat bombastike dhe të pamatura që i bën. Mirëpo, ajo nuk ka mbetur prapa as me karrierën e saj muzikore.

Ka shumë pak kohë që ka nxjerrë në treg albumin e saj muzikor dhe “Erdhi momenti”, është kënga që po korr mjaft sukses. Kënga është kthyer në hit, dhe albumi sipas të dhënave në dyqanet muzikore po ecën mjaft mirë. Dhe Anjeza ndihet shumë mirë për këtë. Sapo ka realizuar një videoklip që ‘e josh’ ndërsa performancat janë me veshje që i ka zgjedhur vetë ajo. Anjeza Shahini dëshiron të mbetet në tregun muzikor si këngëtare profesioniste dhe pikërisht kjo e bën edhe të bashkëpunojë me kompozitorë profesionist të muzikës siç është Adrian Hila. Kënga “Erdhi momenti” mban pikërisht firmën e tij, dhe rezultati për Anjezën dhe publikun, është një mrekulli.

Pamela Anderson dhe Michael Jackson janë parë në shoqërinë e njëri-tjetrit në Malibu. Sipas “Daily Mail” mes dy yjeve duket se ka lindur një ndjenjë dashurie


Një dëshmitar i ka parë duke u përkëdhelur në Malibu, ku ata janë larguar duke evituar shikimet kurioze të njerëzve.

Për të dy, që në të kaluarën kanë treguar një dashuri për kirurgjinë plastike e mund të thuhet me plot gojë se është një dashuri...plastike!

Sipas gazetës angleze, që flet për një 'scoop' të vërtetë, duket se Jackson ka bërë gjithcka për të organizuar këtë arratisje romantike në mënyrë sekrete. Michael nuk është dakord, që jeta e tij private të përfundojë në faqet e para të gazetave dhe kështu ka bërë c’është e mundur ta mbrojë me cdo kusht nga kureshtarët.

“Ylli i muzikes pop nervozohet kur dikush e ndjek – ka rrëfyer burimi misterioz – kështu për këtë takim ai ka zgjedhur një vend neutral. Për të zhdukur cdo dyshim për lidhjen e tyre, te dy kanë ardhur të ndarë ne hotelin buzedetit të Malibusë.

Pam dhe Jacko janë ulur në një vend të vecuar të lokalit, duke biseduar në mënyrë normale.

Por pastaj të dy jane parë të flirtojnë, duke dhënë idenë se midis tyre ekzistonte dicka më shumë se shoqërise së zakonshme.

Pamela dhe Maichael janë me të vërtët një “cift i cuditshëm” që kanë të përbashkët një passion për bisturinë , të cilën e kanë përdorur të dy më shume se një herë…!

Kengetarja portorikane rrefen momentet e para kur mori vesh per shtatezanine nga e cila lindi binjaket, Emme dhe Max.


Gjashte muaj pas lindjes se binjakeve Emme e Max, Jennifer Lopez e rikthyer ne linjat perfekte, rrefen periudhen para dhe gjate shtatezanise. “E dija qe do ngelesha shtatezane”, pohon kengetarja portorikane ne nje interviste per revisten “Elle”. “Per here te pare ne jeten time kam qene egoiste. Nuk e dija nese do kisha femije te tjere dhe deshiroja te ishte nje eksperience e bukur”, shton Lopez, duke theksuar se nuk do t’i kishte shkuar mendja asnjehere te kryente fekondim artificial.

Ne vijim te intervistes ajo komenton thashethemet rreth pamundesise se ciftit per te lindur femije. “Marc dhe une e dinim se nuk kishim probleme per te pasur femije. Ndoshta momenti nuk ishte asnjehere i pershtatshem por brenda meje isha shume e sigurt se do kishte ndodhur nje dite”, shton Jennifer.

“Isha ulur per te bere make-up kur papritur ndjeva nje levizje ne bark. Estetisti me pyeti nese kisha dicka, por iu pergjigja se gjithcka ishte ne rregull. Ne ate moment e kuptova se brenda trupit tim kishte jete. Me pas bera 20 teste per te vertetuar shtetzanine. U ndjeva femer pasi Marc po jetonte nje enderr”, rrefen bukuroshja amerikano-latine, e cila po kalon nje moment magjik ne nje familje te dyfishuar.

Këngëtarja Jessica Simpson ëndërron të martohet dhe të ketë fëmijë, të gjitha këto brenda 10 viteve.

"Pas 10 viteve më pëlqen ta shoh veten të martuar dhe me shumë fëmijë pranë meje – ka deklaruar Jessica për “Fox News”.- ështe një aspiratë që e kanë shumë njerëz normalë, pse unë jo?”

E divorcuar nga Nick Lachey, Simpson tani po përjeton një histori dashurie me Ton Romo dhe me atë shpreson që të realizojë edhe dëshirën e saj.

Sic duket cifti po shkon drejt rrugës së martesës. Lojtari i futbollit amerikan duket se ka blerë një shtëpi që kushton 700 mijë dollarë, me 6 dhoma gjumi dhe 4 banjo.

Cifti do të shkojë të jetojnë bashkë shumë shpejt, por më parë duhet ta rikonstrukurojnë. Jessica është shume kërkuese dhe do që të kete të gjitha kushtet. është parashikur edhe nje dhome per femije.

Duket se telashet me drogën dhe alkoolin nuk kanë të mbaruar për Amy Winehouse, e cila nuk rresht së na habituri.


Amy ka porositur 48 shishe uiski të markës ‘Jack Daniel’s’, si kërkesë e saj, për një paraqitje ne një festival në Britani.


Sic bën të ditur gazeta britanike “Sun” këngëtarja problematike pritet të marrë pjesë në festivalin ”Bestfestival” gjatë fundjavës.

Por kërkesa e saj për 48 shishe uiski për atë dhe ekipin që e shoqëron, para daljes në skene i ka befasuar pak organizatorët e festivalit.


Sipas “Sun” organizatorët janë habitur. ”Eshtë normale për artistët të na bëjnë kërkesa për pije dhe ushqim para spektaklit – kane thënë organizatorët, - por kerkesa e Winehouse, për një sasi të madhe Jack Daniel’s, është pak qesharake, pasi ajo dhe ekipi që e shoqëron nuk mund ta konsumojnë dot edhe sikur të munden, pasi koha e qendrimit është e shkurtër”.

Ka mjaftuar vetem një film bashkë për t'i bërë armike të betuara dy yjet e Hollywood, Kate Hudson e Anne Hathaway?

Pasi kanë qënë të zëna me punë në sheshxhirimin e filmit "Bride Wars", Kate Hudson dhe Anne Hathaway kanë filluar të urrehen me njëra-tjetrën.

Ka nisur me shaka të vogla nga njëra skenë në tjetrën por që është kthyer në një luftë të vërtetë midis dy yjeve.

Sipas një burimi anonim fajtore ka qënë Hudson: “Kate ka qënë shumë e keqe me Anne”.

Në mbrojtje të biondinës ka qënë një zëdhënës i saj: “Eshte qesharake. Ato kanë qënë gjithmonë mike të mira. Te gjitha fjalët që thuhen janë larg të vërtetës”.

Mos vallë kjo është vetëm një reklamë për të promovuar filmin që ka për protagoniste dy aktoret?

Vetëm pak ditë pas nisjes së xhirimeve të filmit “Edge of Darkness”,Robert De Niro ka braktisur filmin pa lajmeruar askend.

"Ndonjëherë gjërat nuk shkojnë ashtu sic i ke parashikuar”, ka thënë një zëdhënës i aktorit.

De Niro duhej të luante rolin e një burri qe e dërgojnë të fshijë provat e vrasjes së një gruaje të re.

Në cast bën pjesë edhe Mel Gibson që luan rolin e babait të viktimës, një polic në Boston.

Xhirimet e skenave janë shtyrë derisa të gjendet një zëvëndësues për rolin që luante De Niro.

Pas lindjes së binjakëve, Angelina Jolie ka rënë në dëshpërim. Sipas “Daily Mail” aktorja nuk del më nga shtëpia, fle shumë dhe është me “hënë”.

Shkaku? Depresioni pas lindjes, që ka kapur edhe starin e Hollivudit. Megjithatë në raport më binjakët, Angelina duket se është shumë e kujdesshme, sidomos për shëndetin e tyre, por nuk i mungojnë uljet dhe ngritjet e humorit.

Ndërsa bota mendon se ata janë një familje ideale, të mbyllur në një kështjellë,për t'u patur zili nga të gjithë, Jolie- Pitt po jetojnë momente të vështira për shkak të problemeve të mamasë së re.

Shëndeti jo i mirë i të porsalindurve, që nuk bëjnë gjë tjetër vetëm se qajnë, nuk e lene të pushojë Angelinën.

Një seri netësh pagjumë kanë ndikuar keq në humorin e saj duke e bërë gjithmonë edhe me nervoze.

Shëndeti i Knox e Vivenne e bën me ankth aq shumë sa në cdo moment telefonon mjekun e familjes për të marrë knfirminin që fëmijët e saj janë mirë.

Aktori, Tom Cruse, do te xhiroje nje film të ri. “The Monster of Florence” libri i italianeve nga Firencja, Mario Spezi dhe Douglas Preston do të kthehet shumë shpejt në një film.

Një dashuri me shikim të parë që do të kthejë ngjarjen e fshatarit nga Mercatale dhe të shokëve të tij në një sukses global.

Gjatë kësaj vere Tom ka lexuar 315 faqet e romanit , që në SHBA ka thyer kalasifikimet duke u bërë libri më i shitur për 8 javë me radhë dhe është apasionuar si kurrë më parë nga intrigat e romanit.

Shtëpia kinematografike “United Artists” ka blerë të drejtat e filmit dhe me siguri, producenti do të jetë vetë Cruise.

Duket se “ Top Gani “ ka paguar nje shifër marramëndëse per të bllokuar shitjen e të drejtave të filmit shtepive të tjera kinematografike.

Tom nuk përjashton edhe mundësinë për të qënë një nga aktorët e filmit, mundësisht protagonistit, por për të vendosur se rolin e kujt do të luajë, ai duhet të lexojë skenarin të shohë cili rol i përshtatet më mirë.

Lindsay Lohan ka vendosur të mos pozojë më nudo. Ajo ka refuzuar propozimin aspak të hijshëm dhe fatal të “Playboy” për ta fotografuar pa asgjë veshur, për një shifër marramendëse prej 700 mijë dollarësh.

Për ta parë të zhveshur aktoren, publiku duhet të kënaqet ta rishohë në rolin e Marilyn Monroe, foto të publikuara nga revista ”New York”.

Ka qënë agjenti i saj që ka bërë të ditur lajmin se Lohan i ka thene jo përgjithmonë nudove.

“ Lindsay – tha agjenti – është kundër propozimeve të pahijshme dhe nuk do më që të shfaqet nudo”.

Për ta patur në revistën e famshme të “Playboy”, Lohan, prodhuesi i saj, Hal Lifson kishte vendosur të paguante deri në 700 mije dollarë.

Oferta përmbante një servis me 8 faqe në topless për edicionin e janarit, kur edhe revista mashkullore do të festoje 55 vjetorin e krijimit.

Por agjenti i yllit amerikan i është përgjigjur mënjëherë: “Nese ka nudo, nuk bëhet asgjë”.

Një fëmijë për Paris Hilton? Duhet përjashtuar kategorikisht mundësia. Trashëgimtarja më e pasur nuk ka kohë për fëmijët.

Në një intervistë për këtë cështje, Paris e eleminoi pyetjen duke pranuar: “Një fëmijë? Nuk kam kohë. Jam shumë e përqendruar në punën time. Udhëtoj, studioj dhe nuk kam kohë të lirë për t'u marrë më një fëmijë”.

Kështu ajo ka përgënjeshtruar deklarat e disa kohëve më parë kur pranonte se ndjente nevojën për t'u bërë nënë.

Asgjë nuk është e vërtet edhe pse historia e saj e dashurise me Benji Madden shkon shumë mirë.

Jennifer Aniston, pas ndarjes me John Mayer, ka shkuar në Festivalin e Kinemasë në Toronto. Ndërsa zbriste nga makina e saj, aktorja e bukur ka treguar veshjet intime.

Nga kjo mësuam që e ëmbla Jen preferon ngjyrën e zezë në veshjet e saj intime. Por ky fakt nuk e mërziti aspak aktoren e "Friends", por kur mori vesh që ish burri i saj, Brad Pitt, ishte edhe ai i pranishëm në Toronto me komedine e Ethan Coen, "Burn After Reading" dhe që rrinte në një hotel përballë më të sajin, Jen ka anulluar prenotimin dhe ka shkuar në një hotel tjetër larg tij.

Por jo vetëm, Aniston, që ndodhet në Kanada për të prezantuar filmin "Management", ndërsa Pitt po bënte një banjë të mirë, ajo e evitoi duke mos ngrënë në të njëjtin restorant ku kishte ngrënë aktori i famshëm.

Më shumë se në një festival të kinemasë, Jennifer duket së është në një arratisje nga….ish burri!

Tom Cruise ka blerë të drejtat për të sjellë së shpejti në ekranin e madh të kinemasë një përshtatje të librit "The Monster of Florence", të autorëve Mario Spezi dhe Douglas Preston.

Libri flet për historinë e vrasjeve të bëra midis viteve 1968 dhe 1985 nga të ashtuquajturit "compagni di merende" të Mercatale, ose konkretisht të Pietro Pacciani, Mario Vanni dhe Giancarlo Lotti.

Sipas gazetës “Variety”, 46 vjecari, aktori hollivudian do të investojë në projekt rreth 50 milion dollarë. Përvecse është producenti i filmit, Tom mund të jetë edhe protagonisti.

Skenari do t'i besohet Christopher McQuarrie, që në 1996 ka marë cmimin Oskar si skenaristi me i mirë.

Në SHBA libri ka qëndruar në krye të klasifikimit për 8 javë në “ Top Ten të New York Times’’.