Moratti dëshiron ta angazhojë Maradonën

Mediat italiane përcjellin lajmin se presidenti i Interit, Massimo Moratti, planifikon t’i japë rol në klub ish-futbollistit të njohur, legjendës argjentinase, Diego Maradona.

La Gazzetta dello Sport përcjell një deklaratë të Morattit në të cilën presidenti thotë se planifikon ta punësojë Maradonën. 

Argjentinasi u largua nga stoli i Boca Juniors në vitin 2006, ndërsa me siguri se do ta fitojë rolin e përcjellësit të talenteve të Amerikës Jugore. 

“Mendoj se do t’i jap rol në klub Diegos. Ai është përfaqësues shumë i rëndësishëm dhe tashmë është larg problemeve”, citohet të ketë thënë Moratti.

Ylli i Manchester United, Cristiano Ronaldo, ka premtuar se do ta godasë Chelsean atje ku dhemb, nëse kundërshtari do të mundohet ta nxjerrë jashtë loje në mënyra të ndryshme.

“E di se ata do të tentojnë të më frikësojnë në fushë, por më herët ose më vonë do të kuptojnë se nuk do t’i humb nervat lehtë. Do të fishkëllehem sërish por nuk do të humbas kur do të ndodhë kjo, jam i fortë dhe kjo është vetëm pjesë e spektakleve të tilla”, ka thënë Ronaldo.

“Por unë si zakonisht, do të provoj ta t’i godas me arritje të golave dhe me një lojë më të mirë”, ka përfunduar Ronaldo.