Inteli edhe zyrtarisht prezentoi Skulltrail

Për të gjithë ata që duan performansa më të mira se ato që ofrojnë katër bërthama procesorike të sotme dhe një kartelë grafike Intel Corporation ka ofruar platformën Intel Dual Socket Extreme Desktop Platform. Deri më tani e njohur me emrin e koduar "Skulltrail", kjo platformë është një prej modeleve të para për desktop kompjuterë e dedikuar për entuziastë e cila përkrah dy procesorë katërbërthamësh të Intelit, pra gjithsej tetë mekanizma procesorikë, dhe ofron mundësinë e zgjedhjes së zgkjidhjeve shumëkartelëshe të ATI ose nVidia.

Pllaka amë Intel Desktop Board D5400XS në kombinim me dy procesorë Intel Core 2 Extreme QX9775 bazohet në platformat Intel Dual Socket Extreme Desktop Platform. Performansat të cilat i ofrojnë tetë bërthamat procesorike posaçërisht do të gëzojnë animatorët 3D, artistët të cilët merren me përpunimin e zërit digjital dhe editorët e videopërmbajtjeve të rezolucionit të lartë. Pasi që videoja me rezolucion të lartë po bëhet gjithnjë e më pranishme. gjithnjë e më shumë shfrytëzues të avancuar presin që PC-të e tyre të bëjnë editimin dhe kodimin e tyre në vend të tyre. Platforma e re me lehtësi mbahet me ngarkesa të tilla, ndërsa programerët zhvillues të videopërmbajtjeve, si në DivX, janë të impresionuar me mundësitë e reja.

Secili procesor Intel Core 2 Extreme QX9775 ofron 12 MB L2 cache, magjistrale të shpejtë sistemore me takt pune 1600 MHz dhe katër bërthama të cilat punojnë në 3.2 GHz. Kur çiftëzohet me pllakën amë me dy fole Intel Desktop Board D5400XS, kjo platformë si me shaka then rekorde në testet e standardizuara dhe zgjidh probleme të komplikuara. Entuziastët me përvojë të cilët duan mundësi shtesë do t'i gëzojë lajmi se nga procesorët Intel Core 2 Extreme janë eliminuar bllokadat. Me këtë arrihet fleksibilitet shtesë teknik i paparë deri më tani gjatë përshtatjes së sistemit, ndërsa prodhuesve të pajisjeve origjinale u mundëson arritje të performansave edhe më të mira.

Procesori Intel Core 2 Extreme QX9775 është në disponim menjëherë me çmim prej 1499 dollarësh për procesor. Pritet që çmimi me pakicë i pllakës Intel Desktop Board D5400XS do të jetë 649 dollarë, ndërsa komponentet e platformës shiten ndaras.