Lajme - Serine A

Presidenti i Udineses, Giampaolo Pozzo, ka njoftuar se Antonio Di Natale ka refuzuar shumë oferta nga disa skuadra të mëdha përfshirë edhe Romën.

Forma e sulmuesit italian ishte e shkëlqyer sezonin e kaluar, prandaj ai ka tërhequr një numër skuadrash të cilat kanë qenë të interesuara për shërbimet e tij. Ndërsa, pavarësisht nga ofertat, Di Natale ka vendosur të qëndrojë në Udine. 

“Jam shumë krenar për të dhe vendimin e tij për të qëndruar në Udine. Ai ka pasur shumë oferta nga skuadra të ndryshme italiane siç është Roma, Napoli dhe Fiorentina, madje edhe nga skuadra jashtë Italisë, por ai vendosi të mbetet këtu. Vendimi ka qenë plotësisht i tij, dhe ai ka dashur të qëndrojë”, ka thënë presidenti Pozzo.

Ish-trajneri i Interit, Roberto Mancini, e ka falënderuar trajnerin e ri, Jose Mourinho, si dhe kapitenin Javier Zaneti, për fjalët e bukura pas fitores së zikaltërve ndaj Romës në Superkupën e Italisë.

Mourinho, menjëherë pas ndeshjes me Romën, kishte potencuar se Mancini ka merita të mëdha për këtë sukses, pasi që fitoi skudeton gjatë sezonit të kaluar.

“I falënderoj Mourinhon dhe Zanettin, për atë që ma dedikuan mua trofeun e Superkupës. Shpresoj që Inter të ketë edhe një sezon të mbushur me sukses dhe me shumë trofe”, ka thënë Mancini për Corriere dello Sport.

Mesfushori shqiptar, i cili aktivizohet për kombëtaren e Zvicrës, Blerim Xhemaili, është në prag të largimit nga klubi i Premierligës, Bolton Wanderers, drejt klubit italian Torino, për një shumë prej afro 1 milionë euro.

Shqiptari nga Maqedonia pritet të lartohet gjatë kësaj jave, para fundit të afatit kalimtar, pa bërë asnjë paraqitje të vetme në Premierligë me Boltonin.

22-vjeçari arriti tek klubi anglez gjatë verës së kaluar nga kampioni i Zvicrës, Zurichu, por i shoqëruar edhe nga dëmtimi, nuk arriti të gjejë hapësirë tek Boltoni, ku pati vetëm disa paraqitje në ndeshjet miqësore.

Ekipi i Milanit ka bёrё tё ditur se sulmuesi i ri, Alberto Paloschi, sezonin e ardhshёm do tё luajё pёr ekipin e Parmёs.

Pas arritjes sё Ronaldinhos dhe Borriellos, si edhe rikthimit tё Shevchenkos nё Milan, pritej edhe largimi i tё riut. Me njё konkurrencё tё tillё nё linjën e sulmit, tinejxheri nuk kishte gjasa tё fitojё rast pёr paraqitje dhe opsioni mё i mirё ishte tё kalonte nё ndonjë klub tjetër.

Disa ekipe tё Serie A dhe Serie B kishin shfaqur interesim pёr shërbimet e tё riut italian, por kuqezinjtë vendosёn qё ai tё kalojё nё Parma. Prezantimi zyrtar i Paloschit me ekipin e ri do tё bёhet sot pasdite.

Sulmuesi i Interit, Zlatan Ibrahimovic, e ka lavdëruar trajnerin e ri të zikaltërve Jose Mourinho, duke e përshkruar atë si “trajneri më i kompletuar” të cilin ai e ka pasur ndonjëherë.

“Ai është trajneri më i kompletuar të cilin e kam pasur ndonjëherë. Me ardhjen e tij në skuadër ka më shumë shpirt, lojtarët kanë më shumë besim dhe tani jemi të gatshëm t’i kontrollojmë ndeshjet. Ai i kushton vëmendje secilit detal, prandaj mund të vërehet menjëherë dallimi”, ka thënë suedezi. 

Pas problemeve me gjurin Ibrahimovic shpreson të bëjë një paraqitje të mirë këtë vikend, kur skuadra e tij takohet me Sampdorian në fillimin e sezonit të ri të Serie A.

Agjenti i Stephen Appiah ka njoftuar se Juventusi është duke përgatitur marrëveshjen për ta risjellë në Torino ganezin.

Aktualisht Appiah është transfero i lirë, pasi javën e kaluar ka biseduar për largimin e tij me drejtuesit e skuadrës ku ka qëndruar tre vitet e fundit, Fenerbahce. 

Mesfushori ka thënë publikisht se është ëndërr e tij që t’i ribashkohet Zonjës së Vjetër, ndërkohë që edhe Juventus është në kërkim të një mesfushori defansiv para se të përfundojë afati kalimtar me 1 shtator. 

“Dëshirojmë që gjërat të zgjidhen sa më shpejtë që është e mundur dhe të nënshkruhet marrëveshja para të hënës. Ne kemi marrë oferta serioze nga Racing Santander dhe Portsmouth, ndërkohë që kemi telefonata të vazhdueshme nga West Ham, Celtic dhe Everton”. 

“Ne nuk ngutemi, por Juve duhet të vendosë më shpejt. Si do që të jetë ata po punojnë për një zgjidhje, ndërsa ne do të presim pasi që djaloshi ka dëshirë të madhe të luajë për Zonjën e Vjetër”, ka thënë agjenti i ganezit, Frank Trimboli.

Sulmuesi i Interit, Zlatan Ibrahimovic, e ka lavdëruar trajnerin e ri të zikaltërve Jose Mourinho, duke e përshkruar atë si “trajneri më i kompletuar” të cilin ai e ka pasur ndonjëherë.

“Ai është trajneri më i kompletuar të cilin e kam pasur ndonjëherë. Me ardhjen e tij në skuadër ka më shumë shpirt, lojtarët kanë më shumë besim dhe tani jemi të gatshëm t’i kontrollojmë ndeshjet. Ai i kushton vëmendje secilit detal, prandaj mund të vërehet menjëherë dallimi”, ka thënë suedezi. 

Pas problemeve me gjurin Ibrahimovic shpreson të bëjë një paraqitje të mirë këtë vikend, kur skuadra e tij takohet me Sampdorian në fillimin e sezonit të ri të Serie A.

Trajneri i Inertit, Jose Mourinho, u është kundërvënë kritikave të medieve angleze për Serie A duke e përqeshur Ligën Premier.

“Anglezët thonë se Serie A është vendi i pensionistëve? Dëshironi të dëgjoni çka mendoj unë? Nëse dëshironi ta valoj flamurin e Italisë, do ta bëj, sepse unë jam me italianët në këtë rast”.

“Nuk është vështirë t’u përgjigjesh anglezëve. Krejt çka duhet të bësh është të shikosh një ndeshje të Ligës Premier me pakëz përqendrim dhe do ta gjesh përgjigjen”.

Me anë të kësaj deklarate duket se Mourinho dëshiron t’i përmirësojë raportet e prishura me mediat italiane, duke mbrojtur Serie A.

Mediat italiane, përcjellin lajmin se ekipi i Romës është afër angazhimit të sulmuesit të Torinos, David di Michele.

Sipas mediave italiane, ekipi i Romës tashmë është në kontakt me drejtuesit e Torinos dhe ka pyetur për mundësinë e angazhimit të David Di Micheles.

Ekipi nga kryeqyteti italian dëshiron ta angazhojë sulmuesin si huazim njëvjeçar, i cili në Olimpico do të arrinte si zëvendësim për Mauro Espositon.

29-vjeçari Esposito ka kërkuar nga drejtuesit e Romës që të shitet, dhe pritet që gjatë vikendit të kalojë në njërën prej ekipeve të interesuara. Chievo, Siena, Reggina dhe Bologna janë destinacionet e mundshme të Espositos.

finale kan me dal si vjet milani kupt uefas..

Skuadra e Milanit pavarësisht përforcimeve që ka bërë në sezonin e ri, ka pësuar humbje në midis San Siros nga skuadra e porsainkuadruar në Serie A, Bologna, me rezultat 1-2.

Kuqezinjtë kanë udhëhequr lojën gjatë gjithë ndeshjes, mirëpo pasimet e lojtarit më të mirë në ndeshje, Ronaldinho, nuk u shfrytëzuan nga Inzaghi dhe Shevchenko, i cili u inkuadrua në pjesën e dytë. 

Të parët në epërsi kaluan mysafirët nga Bologna me anë të Di Vaios (18’), ndërsa pa përfunduar pjesa e parë (41’), mesfushori i Milanit, Ambrosini, barazoi rezultatin duke bërë që skuadrat të shkojnë në pushim me rezultat të barabartë, 1-1. 

Pjesa e dytë ishte sikurse e para, me raste të shumta të krijuara nga transferi i ri i Milanit, Ronaldinho, mirëpo sulmuesit kuqezi nuk arrinin të shënonin në portën kundërshtare. Ndërsa si gjithmonë në futboll nëse nuk shënon, pëson. Valiani në minutën 79 shënoi golin e dytë në ndeshje për bolonjezët, dhe me këto rezultat (2-1) përfundoi takimi me fitore të mysafirëve. 

Skuadra tjetër pretendente për Scudetto, Roma, ka barazuar në Stadio Olimpico me rezultat 1-1 kundër Napolit, me golat e Aquilanit (29’) për kryeqytetasit dhe Hamsik (55’) për napolitanët. 

Ekipi tjetër nga kryeqyteti italian, Lazio, ka shënuar fitore të thellë 4-1 në udhëtim kundër Cagliarit. Atalanta dhe Catania kanë shënuar fitore minimale, 1-0, në shtëpi kundër Sienas dhe Genoas, respektivisht. 

Chievo, e rikthyer në elitën e futbollit italian, e ka mposhtur Regginan me rezultat 2-1, ndërsa Torino ka fituar kundër skuadrës tjetër të inkuadruar në Serie A, Lecces me rezultat 3-0. 

Takimi i fundit i këtij fillimsezoni të Serie A, që konsiderohet edhe si derbi i javës së parë, do të zhvillohet në orën 20:30 ndërmjet Fiorentinës dhe Juventusit.

Serie A- Java e parëE diel, 31 gusht 

Fiorentina 1 - 1 Juventus
AC Milan 1 - 2 Bologna
AS Roma 1 - 1 Napoli
Atalanta 1 - 0 Siena
Cagliari 1 - 4 Lazio
Catania 1 - 0 Genoa
Chievo 2 - 1 Reggina
Torino 3 - 0 Lecce

E shtunë, 30 gusht

Sampdoria 1 - 1 Inter Milan

Udinese 3 - 1 Palermo

Sulmuesi i Fiorentinës, Alberto Gilardino, ka shënuar një gol të rëndësishëm në minutat e fundit të ndeshjes (89’), në stadiumin Artemio Franchi, për t’i sjellë një pikë ekipit të tij në ndeshjen derbi të javës së parë në Serie A, përballë Juventusit.

“Ndjehem mirë fizikisht dhe psikologjikisht. Ndjej një vetëbesim të madh nga adhuruesit, bashkëlojtarët dhe trajneri. Është keq pasi që kisha edhe disa raste të tjera, të cilat po t’i kisha shndërruar në gola do ta kishim fituar ndeshjen”, ka shtuar italiani.

Në ndeshjen e mbrëmshme, bardhezinjtë e Juventusit kaluar në epërsi pas 39 minutash lojë me golin e Pavel Nedved, ndërsa vendasit arritën të barazojnë një minutë para fundit të kohës së rregullt të ndeshjes, me anë të ish-sulmuesit të Milanit.

Gilardino është përfshirë në ekipin kombëtar të Italisë, nga trajneri i rikthyer Marcello Lippi, për ndeshjet e radhës kualifikuese për Botërorin 2010, atë kundër Qipros dhe Gjeorgjisë.

Anёsori i Portos, Ricardo Quaresma, do të nënshkruajë kontratë pesëvjeçare me Interin, pasi qё dy klubet arritën marrëveshje nё ditёn e fundit tё afatit kalimtar.

Portugezi do t’i kalojё testet mjekësore gjatё tё hёnёs dhe do tё kompletojё kalimin tek kampioni i Serie A, derisa nё anёn tjetër do tё lëvizё Pele, si pjesё e marrëveshjes.

24-vjeçari ёshtё lidhur me njё kalim nё Iner gjatё gjithё verёs, dhe transferimi i tij përfundimisht u realizua, pёr tё cilёn thuhet se nerazurёn kanё harxhuar 22 milionё euro si dhe kanё dhenё nё shkëmbim Pelen.

“Ricardo Quaresma, do tё jetё lojtar i Interit, ndërsa Pele i Portos. Transferimi ёshtё kompletuar dhe nё marrëveshje ёshtё pёrfshirё edhe Pele. Marrёveshja e arritur mes dy klubeve ёshtё nënshkruar tё dielën”, thuhet nё deklaratën e kompanisё qё menaxhon Quaresman.

Tifozët e Napolit janë bërë protagonistët e javës së parë të Serisë A, duke rrëmbyer trenin e linjës për në Romë dhe duke e shkatërruar atë. 7 persona u arrestuan, ndërkohë që dëmet kapin shifrën e 500 mijë eurove. Vendimi i parë i autoriteteve ishte ndalimi i transfertave për tifozët napoletanë. 


ITALI- Nis me probleme java e parë e Serisë A, teksa tifozët e Napolit kanë marrë peng një tren për të shkuar në Romë, në kuadër të sfidës që skuadra e tyre do të luante ndaj asaj vendase. Ultrasit napoletanë hipën në trenin e linjës pa bileta dhe refuzuan t’i paguanin ato. Kjo bëri që policia t’u kërkonte pasagjerëve të tjerë të zbrisnin, ndërsa treni arriti në Romë me disa orë vonesë. Gjatë rrugës tifozët e kanë shkatërruar atë në një masë që shkon deri në 500 mijë euro dëme, ndërkohë që policia njoftoi arrestimin dhe më pas lirimin e të paktën 7 tifozëve, të cilët përveç akteve të dhunës, u kapën me armë të ftohta. Tifozët shkaktuan rrëmuja edhe në kryeqytet, ndërsa policia qëndroi në gatishmëri deri në fund të ndeshjes. Autoritetet njoftuan dëme të mëdha në trenin nga Roma në Napoli, ç’ka e bëri akoma më të rëndë ngjarjen. Vendimi i parë i këtyre incidenteve është ndalimi i transfertave për napoletanët. Një gjë e tillë ishte menduar edhe për ndeshjen me Romën, por në momentet e fundit u vendos që tifozët të lejoheshin të futeshin në stadium. Incidentët në javën e parë të Serisë A janë dënuar nga të gjithë drejtuesit e futbollit italian, ndërsa autoritetet njoftuan se tashmë janë identifikuar autorët. 

Duhet të ishte dita e spektaklit dhe prania e Berluskonit në tribunën VIP e vërtetonte këtë. Në të vërtetë notat e spektaklit nuk kanë munguar, por në fund Milani është detyruar të dalë nga fusha e lojës i mundur nga një skuadër që këtë vit është rikthyer nga Seria B. Në ditën e debutimit të Ronaldinjos, Zambrotës, Flaminisë si edhe rikthimit të Shevçenkos, kuqezinjtë kanë qenë vërtetë të pafat, teksa kanë shpërdoruar si rrallë herë, një mori rastesh për të shënuar. Në krahun tjetër, bolonjezët kanë patur vetëm dy mundësi, duke i realizuar të dyja dhe duke triumfuar 2-1. Në fillim me Marko Di Vaion, që hapi serinë e golave, ndërsa në pjesën e dytë ishte Valiani ai që mposhti Abiatin me një supergol nga kufijtë e zonës. Por, kryefjala e ditës së djeshme ishte Ronaldinjo. Ndoshta jo në kondicionin më të mirë fizik, por braziliani ishte i aftë të fitonte menjëherë zemrat e tifozëve. Finte, pasime, driblime dhe gjuajtje, e bënë ish-lojtarin e Barcelonës idhullin e ri të “San Siros”. Ishin të paktën katër pasime të arta të brazilianit, që lojtarë si Inzagi, Sedorf e Shevçenko, nuk arrinin t’i shfrytëzonin edhe pse ishin shumë pranë portës. 
Ronaldinjo 
Pavarësisht humbjes, Ronaldinjo është parë i qeshur në fund të ndeshjes. “Por, nuk mund të jem aspak i kënaqur, pasi kemi humbur. Megjithatë, është vetëm ndeshja e parë, mund të rekuperojmë gjithçka duke punuar. Kemi një skuadër të madhe”, deklaroi braziliani në fund të ndeshjes. Ronaldinjo dje luajti në rolin e një fantazisti, në krahun e majtë të sulmit. “Nuk kam asnjë problem, kam luajtur shpesh si në qendër ashtu edhe në të majtë”, shprehet ai. “Sot luajtëm mirë në pjesën e dytë, patëm disa raste për gol, por për fat të keq nuk i shfrytëzuam”, shtoi braziliani. 
Ndeshjet 
Seria A edhe këtë sezon nisi me një seri surprizash, pikë së pari me Milanin dhe Romën. Verdhekuqtë e nisin ndeshjen e djeshme ndaj Napolit me një nderim për ish-presidentin Franko Sensi dhe më pas arritën të shënonin që në pjesën e parë me një gol të bukur të Akuilanit. Por, në të dytën Napoli barazpeshoi gjithçka me Hamsik edhe pse kishte mbetur me 10 futbollistë. Fitore edhe për Atalantën në fushën e saj ndaj Sienës, ndërsa Kievo mposhti 2-1 Rexhinën. Torino nuk hasi asnjë problem në fushën e vet përballë Leçes, ndërsa Lacio arriti një fitore të bujshme 4-1 në fushën e Kaljarit.

Sipas Tuttosport, Carlo Ancelotti dëshiron të largohet nga skuadra e Milanit në fund të këtij sezoni për të kaluar te Roma, ndërkohë që trajneri aktual i Giallorosëve, Luciano Spalletti, mund ta zëvendësojë Claudio Ranierin te Juventus.

Pasi loja e Milanti është “vjetruar”, pritej largimi i Carlettos që në fund të sezonit të kaluar. Megjithëse ai vendosi të qëndronte, Tuttosport raporton se pavarësisht se çka do të shfaqë Milani këtë sezon Ancelotti do të largohet nga San Siro.

Sfida e re e Ancelottit besohet të jetë skuadra e tij e zemrës, Roma, për të cilën ka luajtur tetë sezone duke fituar Scudetton dhe katër trofe të Coppa Italia.

Kalimi i Ancelottit te kryeqyteti italian, do ta shtynte Spalletin drejt Zonjës së Vjetër. Spalletti admirohet nga hierarkia e Bianconerëve, të cilët kanë dyshimet e tyre për mbajtjen e Ranierit.

Merkato verore e Serisë A për këtë sezon të ri ka kapur shifrën e 768,4 milion eurosh, një shifër rreth 100 milion dollarë më shumë.


Dy skuadrat e Milanos kryesojnë klasifikimin e shpenzimeve më të mëdha për këtë sezon. Pas disa vitesh kur kampionati italian dukej se kursente në këtë vit presidendët e klubeve italiane kanë hapur portofolët.

Në krye të klasifikimit është presidenti i Interit Masimo Morati i cili ka shpenzuar vetëm në merkaton verore 120 milion euro, një pjesë e këtyre parave ka shkuar edhe për të mbajtur sulmuesin suedez Zlatan Ibrahimovic për të mos shkuar te Reali i Madridit.

11 milion euro shtesë kanë bindur suedezin e Interit për të mos u larguar dhe në të njëjtën kohë e ngjisin në krye të klasifikimit si më të paguarin. Pas Moratit vjen Berluskoni i cili në këtë sezon te Milani ndër të tjerë ka blerë Ronaldinjon dhe Shevcenkon. Në vendin e tretë renditet Juventusi.

Sipas Corriere dello Sport, dy skuadrat nga Serie A, Roma dhe Fiorentina, i janë bashkuar garës për të fituar shërbimet e sulmuesit të Bayern Munichut, Lukas Podolski.

Podolski nuk është i lumtur me minutazhin e tij te Bayern, prandaj qëndrimi i tij në Allianz Arena është vënë në pikëpyetje.

“Nuk do të kisha nënshkruar kurrë me Bayernin po ta dija se gjërat do të shkonin kësisoji. Do të bëhem futbollist i keq nëse vazhdoj të qëndroj në stol. Kjo është e tepërt! Nuk jam duke bërë asnjë progres”, kishte thënë Podolski.

Derisa Real Madrid, kishte bërë menjëherë një lëvizje për të siguruar shërbimet e gjermanit në janar, atyre u janë bashkëngjitur edhe dy skuadrat nga Kampionati italian, Roma dhe Fiorentina.

Giallorosët e kanë mundësinë më të mirë për ta transferuar sulmuesin, pasi edhe ai edhe agjenti i tij kishin thënë më herët se u pëlqen Roma.

Kaka, Boriello, Vieira, Cordoba dhe Totti pritet te plotesojne radhet e skuadrave pretendente, te cilat nuk e kane nisur pozitivisht seronin e ri.


Milan

Trajneri i Milanit, Carlo Ancelotti mund te marre fryme lirisht pasi ne skuadren e tij do rikthehen dy lojtare te rendesishem. Kaka dhe Borriello jane te gatshem te vihen nen urdhrat e teknikut italian, i cili e ka nisur sezonin e Serie A me nje humbje ne shtepi. Po keshtu, Ancelotti do kete nje zgjedhje me shume edhe ne mbrojtje, pasi zviceriani Senderos mund te zbrese ne fushe qe nga minuta e pare ne ndeshjen kunder Xhenoas.

Inter

Lajme te mira vijne edhe nga kampi i Interit ku Ricardo Quaresma mund te luaje qe nga minuta e pare ne ndeshjen ndaj Katanias, ndersa kolumbiani Ivan Cordoba e ka kaluar demtimin qe e ka mbajtur per 7 muaj larg fushave. Nderkohe, ne dyshim eshte francezi Patrick Vieira, i cili nuk kerkon te kaloje me shpejtesi fazat e rekuperimit.

Roma

Nje tjeter skuader pretendente, Roma, po pret te shikoje ne fushe kapitenin Totti. Lojtari verdhekuq po ben gjithcka per te qene i gatshem per ndeshjen delikate ndaj Palermos. Ai ka braktisur palestren duke filluar stervitjen intensive me top ne Trigoria bashke me brazilianin Rodrigo Taddei. Ky eshte nje lajm lehtesues per trajnerin Spalleti, skuadra e te cilit e pa veten ne veshtiresi ne ndeshjen hapese te sezonit kunder Napolit.

Stadiumi i Napolit është dënuar me mbylljen e dy prej tribunave kryesore për shkak të incidenteve me Romën në javën e parë. Vendimi i gjykatësit sportiv ndalon hyrjen e tifozëve ultras deri më 31 tetor.

ITALI- Tifozët ultras të Napolit nuk do të lejohen të hyjnë në stadium për dy muajt e ardhshëm. Pas incicenteve në ndeshjen me Romën një javë më parë, gjykatësi sportiv ka vendosur mbylljen moslejimin e tifozëve në pjesën e ultrasëve deri më 31 tetor si edhe një shumë prej 10 mijë eurosh për klubin. Në këtë mënyrë, stadiumi “San Paolo” do të ketë të mbyllura tribunat A dhe B për ndeshjet me Fiorentinën, Palermon, Juventusin dhe Rexhinën. Vendimi i rëndë në adresë të klubit napoletan ka ardhur për shkak të problemeve të hasura në javën e parë të Serisë A. Përvecse morën peng një tren nga Napoli në Romë, ata hodhën vazhdimisht sende të forta në stadiumin “Olimpiko”, duke krijuar një gjendje të vështirë për vazhdimin e ndeshjes. Veç kësaj, disa karabinierë dhe tifozë të Romës mbetën të plagosur lehtë nga hedhja e gurëve dhe e shisheve në adresë të tyre. Në vendimin e tij, gjykatësi i ka quajtur tejet të rënda veprimet e tifozerisë së organizuar, veprime që në disa momente i afrohen edhe sjelljes kriminale.

Heroi i mbrëmshëm i italianëve, Daniele De Rossi, e ka falënderuar Marcello Lippin i cili e ka krahasuar atë me Frank Lampard dhe Steven Gerrard, mirëpo ka thënë se dyshja angleze nuk janë asgjë në krahasim me mesfushorin më të mirë në botë, Andrea Pirlo.

“Daniele tanimë është njëri nga mesfushorët më të kompletuar në botë. Ai është në nivel të ngjashëm me Frank Lampardin ose Steven Gerrardin”, kishte thënë Lippi. 

“E falënderoj trajnerin për komplimentet. Lojtari i Liverpoolit (Gerrard) është një lojtar i klasit botëror dhe unë punoj çdo ditë të bëhem si ai. Mund të flasim për mesfushorët anglezë, mirëpo Andrea Pirlo mbetet më i miri”, përfundoi De Rossi.