AC Milan

Milani ka bërë edhe goditjen e fundit në merkaton e këtij viti, duke marrë me formulën e huazimit nga Celsi Andrij Shevcenkon. Sulmuesi ukrainas rikthehet pas 2 vjetësh në Londër, ku ai zhgënjeu shpresat e miliardierit Abramovic. 


ITALI- Andrij Shevçenko do të luajë me Milanin sezonin e ardhshëm. Pas një takimi mes Silvio Berluskonit dhe Roman Abramoviç, të enjten e kaluar në Sardenjë, është rënë dakord që sulmuesi ukrainas, të rikthehet në klubin që e bëri të famshëm me firmulën e huazimit. Edhe pse dukej një opsion i harruar tashmë, Berluskoni ka mundur të gjejë akordin për të rikthyer në San Siro një prej futbollistëve që kanë bërë epokë me fanelën kuqezi. Mosgrumbullimi për ndeshjen e të dielës ndaj Portsmuthit, e ka bindur Shevçenkon se nuk ka vend në skuadrën e Skolarit. Detajet e kontratës pritet të përfundojnë brenda kësaj jave, ose në fillim të javës tjetër. Shevçenko vetë është në Ukrainë me kombëtaren dhe me rikthimin në Londër, do të mbyllë përfundimisht tratativat. Çelsi ndërkohë do të paguajë edhe një pjesë të rrogës së lojtarit, që përfiton 6.5 milionë euro në sezon. Pas 7 viteve me Milanin, Shevçenko u transferua te Çelsi në verën e vitit 2006, për shifrën e 44 milionë eurove.

Ylli brazilian i Milanit, Kaka, ka thёnё se nuk ka synim t’i bashkohet Chelseat dhe ka garantuar se e ardhmja e tij ёshtё me klubin italian.

Braziliani sёrish u përfol pёr njё kalim rekord prej 80 milionё funtesh nё Stamford Bridge. Por mesfushori thotë se ai ёshtё i fokusuar nё fitimin e trofeve me Milanin, qё ka pёr synim skudeton dhe Kupёn UEFA gjatё këtij sezoni.

“Unё nё Chelsea? Do tё vazhdoj tё jem lojtar kuqezi. Dua ta ndihmoj Milanin tё fitojё trofetë nё tё cilat garon kёtё sezon. Klubi ka bёrё disa nënshkrime tё shkëlqyeshme dhe Sheva do tё përshtatet me ekipin pa asnjë problem”, ka thёnё Kaka pёr Gazzetta dello Sport.

“Gjithmonё kam thёnё se jam i lumtur nё Milan dhe sa kohё qё synimet e mia mbeten tё njëjta me tё Milanit, do tё jem kёtu. Deri tash ka qenё kështu. Synimi im ёshtё tё fitoj, edhe i Milani ёshtё i njëjti”, ka shuar Kaka.

1Këtë të shtunë (23 gusht), Andriy Shevchenko e ka kompletuar rikthimin e tij në San Siro, pas dy sezoneve të dështuara te skuadra e Chelseat. Analistët italianë kanë dhënë disa ide për dështimin e ukrainasit te londinezët dhe për mundësinë e rikthimit t tij në formën më të mirë te skuadra e cila e bëri të 'madh'.

Gjatë kohës sa qëndroi te Milan (1999-2006), Sheva shfaqi një formë të jashtëzakonshme duke shënuar 173 gola, dhe duke fituar trofe të mëdha me kuqezinjtë si edhe lëvdata personale. Gjatë kohës kur sulmuesi ukrainas ishte lojtar i Milanit, kuqezinjtë fituan një Scudetto dhe Ligën e Kampionëve. Ndërkohë Sheva dy herë ishte golashënuesi më i mirë i Serie A, ndërsa në vitin 2004 e fitoi çmimin prestigjioz “Ballon d’Or”.



Edhe pse ishte 30-vjeçar (2006), shumica e ekspertëve pritnin që Sheva të vazhdojë me formën e tij të jashtëzakonshme edhe më tutje, kështu që Blutë e Londrës bënë një lëvizje duke e blerë sulmuesin për një vlerë prej 45 milionë eurosh. Mirëpo në Angli, Shevchenko ishte veçse hija e lojtarit që kishte qenë te Milan, duke dështuar krejtësisht gjatë kohës së qëndrimit në Stamford Bridge, me vetëm nëntë gola të shënuar për dy sezone. 

Dështimi i sulmuesit ukrainas në Angli mendohet se ishte për disa arsye. E para, historia ka treguar se lojtarët nga Serie A nuk mund të përshtaten në Ligën Premier për shkak të mënyrës shumë të ndryshme të lojës. E dyta, mosha 30-vjeçare në kohën kur iu bashkëngjit Bluve ishte diçka e cila nuk premtonte formë më të mirë, ndërkohë që shumica shkaktonin presion te sulmuesi duke pritur që ai të shfaqte atë që kishte treguar te Milan. Po të ishte transferuar Sheva në Angli nga mosha 22-vjeçare, atëherë do të sihte një histori krejt tjetër e sulmuesit të spikatur. E treta, ishte fakti se ai nuk mund të adaptohej me sistemin e lojës defensive të Jose Mourinho. Te Milan ukrainasi ishte mësuar me një lojë të bazuar në teknikën magjike të mesfushorëve të përsosur, Pirlo dhe Seedorf. Ai po ashtu në sulm e kishte partner njeriun gol, sulmuesin e talentuar Pippo Inzaghi.



Ndërsa këtë nuk e gjeti te Blutë, të cilët favorizonin muskujt në raport me magjinë. Sistemi i Mourinhos (4-3-3) nuk ishte aspak i përshtatshëm për sulmuesin e Milanit, sidomos për faktin që Didier Drogba ishte personi më i qëlluar për të luajtur si qendërsulmues. Janë këto disa nga arsyet të cilat bënë që njeriu i cili konsiderohej si njëri nga sulmuesit më të mirë në botë të dështonte totalisht. 

Pyetja është, nëse Shevchenko do ta rigjejë magjinë e dikurshme tani që është kthyer te skuadra e cila e bëri të famshëm. Nëse dikush tjetër nuk beson në këtë, trajneri i kuqezinjve, Carlo Ancelotti, është i bindur se Sheva do të kthehet në formën e tij më të mirë. “Mendoj se do të na shërbejë ngjashëm siç ka bërë gjatë kohës sa ka qenë te ne”, kanë qenë fjalët e Ancelottit.



Kundër ukrainasit është mosha, muajin tjetër ai i mbush 32 vjet, po ashtu edhe problemet e vazhdueshme me lëndime kanë bërë që ekspertët të mendojnë se koha e tij ka kaluar. Sido që të jetë, Sheva është rikthyer në një Ligë me lojë më të ngadalshme të bazuar më shumë në teknikë, si edhe ai po rikthehet në një familje ku të gjithë e duan.

Te Milan ai mund ta rikthejë vetëbesimin e humbur te Chelsea. Në San Siro do ta mbështesin të gjithë tifozët, ndërkohë që do të pranojë topa nga futbollistët më kreativë në futbollin botëror, si Pirlo, Kaka, Ronaldinho dhe Seedorf, kështu që nëse Sheva dështon në lojë me këtë katërshe, atëherë nuk duhet ta fajësojë askënd përveç vetes. Është plotësisht e kuptueshme se nuk do ta shohim Shevchenkon e kohës së tij të artë, mirëpo njëkohësisht nuk do ta shohim as Shevchenkon e dështuar të Chelseat.

Kur Barcelona e mposhti klubin anglez Manchester United, në garë për të nënshkruar me Ronaldinhon nga Paris Saint Germain në vitin 2003, përjetoi një rikthim të menjëhershëm të investimit.

Braziliani shënoi që në debutimin e tij kundër Milanit, ekip të cilit tash i bashkohet për 10 milionë euro më pak.

Në sezonin e parë të Ronaldinhos në La Liga, Barcelona përfundoi e dyta në tabelë, prapa Valencias, por një vit më vonë, me brazilianin fitues të Kupës Botërore, që ishte në një formë të shkëlqyeshme, dhe po ashtu i ndihmuar nga Deco, Samuel Eto'o dhe Ludovic Giuly, ekipi fitoi titullin e ligës për të parën herë që nga viti 1999.

Ronaldinho vazhdoi formën e tij edhe në sezonin e ardhshëm dhe i përkrahur nga Lionel Messi, dyshja ndihmuan Barcelonën të mbrojë titullin në Spanjë. Për më shumë, braziliani po ashtu fitoi titullin Lojtari Botëror i Vitit, në vitet 2004 dhe 2005.

Spanjollët po ashtu u bënë kampionë evropian për të parën herë që nga viti 1992, e dyta herë në historinë klubit. Megjithëse Ronaldinho ishte gjunjëzuar në finalen, të cilën Barcelona e fitoi me rezultat 2-1 ndaj Arsenalit, ai u dëshmua në rundet e mëhershme, duke shënuar dy herë në çerekfinale kundër Chelseat dhe duke asistuar për Giulyn për të vetmin gol në gjysmëfinale, kundër Milanit.

Që atëherë, braziliani ka dështuar të shkëlqejë në mënyrë ët vazhdueshme. Ai ishte zhgënjimi i Kupës Botërore 2006, pjesë e ekipit brazilian që herë nxehej, herë ftohej para se të eliminohej nga Franca në çerekfinale.

Në nivel të klubit, 28-vjeçari ka dështuar të shkëlqejë, me arsyetimin e vazhdueshëm të Rijkaard se Ronaldinho ishte i lënduar.

Kur Josep Guardiola zëvendësoi Rijkaardin në fund të sezonit që lamë prapa, kishte spekulime se Ronaldinho mund të ristabilizohet në Nou Camp. Por, ish-kapiteni i klubit shumë shpejt deklaroi se braziliani ishte në shitje së bashku me Eto'o dhe Deco.

Ka shumë që do të presin me padurim të shohin se si do të gjendet Ronaldinho me trajnerin e Milanit, Carlo Ancelotti.

Ish-trajnerët e tij, ai i PSG, Luis Fernandez, dhe i Barcelonës, Frank Rijkaard, që të dy e kishin akuzuar brazilianin se po kalon më shumë kohë në klubet e natës se sa në fushën e stërvitjeve.

Në nivel ndërkombëtar, ai ende pritet të rikuperohet nga paraqitja larg formës së tij në Gjermania 2006 dhe ka humbur pozitën e tij të yllit në kombëtare, krahasuar me shokun e skuadrës tek Milani, Kaka.

Ai po ashtu kishte vënë në pyetje formën e tij fizike, me një varg fotografish të pahijshme të publikuara në vitet e fundit.

Sidoqoftë, kalimi në Itali i jep atij shans të rindezë karrierën e tij dhe në moshën 28-vjeçare ai do të tentojë të jetë bindës për së paku edhe pesë vite në top formë.

Në San Siro ai duhet të mos ketë shumë probleme të përshtatet, pasi që aty do të gjejë edhe shumë brazilianë tjerë krahas Kakas dhe Patos. Aty është edhe Dida, Emerson, ndërsa mund të pritet edhe një rikthim i Ronaldos.

Na e thoni mendimin tuaj! Cila mendoni se ishte arsyeja e rënies së tij? A do t’i rikthehet Ronaldinho formës së tij të dikurshme?

Mbrojtësi i Milanit, Massimo Oddo, është betuar se do të kthehet te skuadra e tij pas huazimit njëvjeçar te gjermanët e Bayern Munich.

“Po largohem përkohësisht nga skuadra ku kam ëndërruar të luaj si fëmijë, dhe nga skuadra e cila më ka mundësuar të fitoj trofe të rëndësishëm”. 

“Ishte një zgjidhje e vështirë, mirëpo kemi arritur një marrëveshje me klubin dhe i falënderoj drejtuesit për këtë gjë. Do të përballem me një sfidë të re dhe shpresoj të përparoj më shumë”. 

“Bashkëlojatërve të mi iu uroj suksese të mëdha deri sa të kthehem. Po ashtu dëshiroj t’i falënderoj tifozët të cilët kanë qenë të afërt me mua dhe më kanë mbështetur në momente të vështira”, ka thënë ish-lojtari i Lazios për faqen zyrtare të Milanit.

Ancelotti refuzon një ofertë të Shakhtar 
Trajneri i Milanit, Carlo Ancelotti, ka refuzuar një ofertë goxha të mirë, për të drejtuar klubin ukrainas, Shakhtar Donetsk.

Sipas Sky Sport, Shakhtar Donetsk i ka ofruar trajnerit italian një shumë prej 10 milionë eurosh në sezon, për t’u bërë trajner i këtij klubi dhe për ta ngritur atë në një nivel më të lartë.

Megjithatë, Ancelotti ka refuzuar ofertën e pasur të klubit ukrainas, duke dëshiruar të vazhdojë me sukses punën në Milan, veçanërisht tash që në ekip ka sjellë shumë përforcime të reja dhe është ngritur sërish në një ekip konkurrues për medalje

Andrea Pirlo mezi po pret ta fillojë sezonin e ri që të shohë kualitetin e lartë të bashkëlojatarëve të rinj te skuadra kuqezi.

“Interi është një skuadër e fuqishme, mirëpo ndeshja për Superkupë tregoi se Roma mund t’u bëjë ballë. Dua të përsëris se këtë sezon ka shumë kualitet në skuadrat e Serie A. Inter, Roma, Milan, Juventus dhe Fiorentina, të gjithë do të luftojnë për Scudetto”. 

“Sa na takon neve, shumica thonë se po shndërrohemi në galaktikë, si Reali dikur. Mirëpo të kesh kaq shumë kampionë në skuadër është diçka pozitive nga e cila mund të ketë dobi skuadra”, ka thënë fantazia e mesfushës.

Milan humbet në shtëpi
Skuadra e Milanit pavarësisht përforcimeve që ka bërë në sezonin e ri, ka pësuar humbje në midis San Siros nga skuadra e porsainkuadruar në Serie A, Bologna, me rezultat 1-2.

Kuqezinjtë kanë udhëhequr lojën gjatë gjithë ndeshjes, mirëpo pasimet e lojtarit më të mirë në ndeshje, Ronaldinho, nuk u shfrytëzuan nga Inzaghi dhe Shevchenko, i cili u inkuadrua në pjesën e dytë. 

Të parët në epërsi kaluan mysafirët nga Bologna me anë të Di Vaios (18’), ndërsa pa përfunduar pjesa e parë (41’), mesfushori i Milanit, Ambrosini, barazoi rezultatin duke bërë që skuadrat të shkojnë në pushim me rezultat të barabartë, 1-1. 

Pjesa e dytë ishte sikurse e para, me raste të shumta të krijuara nga transferi i ri i Milanit, Ronaldinho, mirëpo sulmuesit kuqezi nuk arrinin të shënonin në portën kundërshtare. Ndërsa si gjithmonë në futboll nëse nuk shënon, pëson. Valiani në minutën 79 shënoi golin e dytë në ndeshje për bolonjezët, dhe me këto rezultat (2-1) përfundoi takimi me fitore të mysafirëve.

Verë: periudhë ëndrrash, strategjish në merkato, blerjesh të mëdha (Ronaldinjo), rikthimesh të papritura (Shevçenko), premtimesh, objektivash. Më pas vjen kampionati: kohë golash, trepikësh dhe fitoresh. E si gjithmonë, është momenti i Filipo Inzagit.

Pipo kanë ardhur shumë yje, por tifozët e Milanit presin gjithmonë golat tuaj. Duke filluar që prej së dielës…

Ata (tifozët) janë fantastikë. Duartrokitjet pas ndeshjes së fundit të kampionatit të kaluar, pavarësisht se nuk ishim kualifikuar për në Ligën e Kampioneve, ishin magjike: edhe sot na jep shumë forcë. Këtë vit dëshirojmë të bëjmë më të mirën për tifozët tanë dhe jam i bindur se do të jemi rivalë të denjë.

A ndjeheni nën presion pas deklaratave të Galianit?

Jo, ai tha gjëra të vërteta: ne kemi detyrën të luftojmë për titullin kampion deri në javën e fundit të kampionatit.

A ndjeheni të favorizuar?

Ashtu si Interi, Juventusi dhe Roma. Megjithatë, sulmin që ka Milani nuk e ka askush tjetër dhe për këtë dëshiroj të them dy fjalë.

Çfarë?

Milani nuk do ta shohë si objektiv sekondar Kupën UEFA: është trofeu i vetëm që ky grup i mrekullueshëm nuk ka fituar. Për mua personalisht, një tjetër finale në Stamboll do të kishte kuptim të veçantë, pasi në atë ndeshje të pafat të vitit 2005, ndodhesha i dëmtuar në tribunë. Kupa UEFA është një aktivitet i rëndësishëm dhe për ata që ndonjëherë nuk do të aktivizohen në kampionat do të shërbejë si një vitrinë e rëndësishme në Evropë. Kur e dëshiron një Kupë, kjo skuadër e fiton. Këtë e tregon më së miri historia.

Si jeni ndjerë kur patë Shevçenkon sërish në dhomat e zhveshjes?

Ishte një ndjesi e bukur, rikujtova të gjitha momentet e bukura që kemi kaluar bashkë. Andrij më dërgoi një mesazh shumë të bukur menjëherë pas dygolëshit tim në finalen e Athinës. Së bashku kemi bërë gjëra të mëdha dhe do të bëjmë të tjera.

Çfarë mendoni për repartin sulmues?

Fakti që aty ka shumë kampionë bën që të jem i qetë. Vitin e kaluar, skuadra ishte e penalizuar prej çdo dëmtimi, ndërsa tashmë, edhe nëse je i sëmurë, mund të jesh i qetë, pasi e di që në fushë do të zbresë një tjetër yll. Shpresoj në rikuperimin sa më të shpejtë të Kaka, me të cilin kam një lidhje të veçantë. Në skuadrën tonë ka shumë kampionë, por mendoj se ai dhe Pirlo janë të pazëvendësueshëm: e kam fjalën për karakteristikat dhe mënyrën e lojës.

Si duket Ronaldinjo, i parë nga afër?

Zbavitës, plot fantazi. Tani e kuptoj se përse në fushë është aq i paparashikueshëm për kundërshtarët. A e patë si e pritëm ardhjen e tij? Në këtë klub yjet janë gjithmonë të mirëpritur. Të gjitha blerjet kanë qenë të shkëlqyera: Zambrota, Flamini, Senderos dhe të tjerët. Të gjithë të fortë, të gjithë të dobishëm.

Ançeloti do të ketë shumë probleme…

Jo, ne do ta ndihmojmë. Pikë së pari do të japim maksimumin në stërvitje, e më pas do të pranojmë pa polemika zgjedhjet e tij. Një arsye më shumë për të ecur përpara në Kupën UEFA: të gjithë lojtarët do të kenë rast të tregojnë vlerat e tyre.

100 gola me kuqezinjtë, a ua dha dhuratën Berluskoni?

Ende jo, por për mua ka rëndësi vetëm mendimi. Pas dygolëshit të Athinës, më kishte thënë se kur të arrija 100 gola të shënuar me Milanin, do të më bënte një dhuratë dhe ende e mban mend këtë premtim. Presidenti është special.

Objektivi i Milanit është titulli. Po i juaji?

Të shënoj për të fituar kampionatin. Shpresoj gjithashtu që të arrij kuotën e 300 golave të realizuar si profesionist.

“Po fillon një kampionat me pesë skuadra, Inter, Roma, Juve, Fiorentina e Milan, që do të luftojnë me armë të barabarta për të arritur te titulli kampion. Vlerat i njohim, nuk mund të jap një favorite, por një luftë skuadrash, që do të duelojnë me njëra- tjetrën deri në ndeshjen e fundit për trofeun prestigjioz”. Këtë e ka thënë Adriano Galiani, administratori i Milanit, në një intervistë ekskluzive për emisionin radiofonik “Unico Grande Amore”. “Si drejtuesi i Milanit, mendoj se kemi bërë përforcime të mira në merkaton e verës, nënvizon Galiani, kemi kthyer entuziazmin në skuadër. Abonimet kanë kaluar shifrën 40 mijë, të dielën presim rreth 70 mijë spektatorë. Nuk ka se si të mos jem i kënaqur. Por nuk bëhet fjalë që Milani do të lërë pas dore Kupën UEFA. Është e vërtetë që objektivi ynë i parë mbetet kampionati, por do të tregojmë vlerat edhe në Evropë”.

Pasi fitoi medaljen e bronzit në Lojërat e Pekinit, Ronaldinjo e ka kthyer vëmendjen te titulli kampion i Serisë A. Mesfushori brazilian, i afruar gjatë kësaj vere te Milani, ka rifituar besimin pas grumbullimit me kombëtaren. Ai po pret me padurim që të luajë për skuadrën e re dhe beson se në maj 2009 do të ngrejë trofeun më të rëndësishëm në Itali. Pas dështimit në sezonin e kaluar, edhe në fazën përgatitore të edicionit të ri, Milani nuk është paraqitur si një ekip i fortë, por ish-mesfushori i Barcelonës mendon se kuqezinjtë do të shkëlqejnë. “Ndjehem gati dhe dëshiroj të luaj kundër Bolonjës”, tha Ronaldinjo për “Corriere Dello Sport”. “Edhe Pato është në rregull, Milani do të fitojë titullin kampion. Kjo skuadër e ka potencialin që ta realizojë këtë objektiv. Kemi kontingjentin më të mirë për të fituar dhe e ndjejmë se jemi favoritë. Gjithsesi, këtë duhet ta tregojmë edhe në fushën e lojës”. Triumfi në kampionat është edhe objektivi kryesor i Milanit në këtë sezon.

Duhej të ishte dita e Ronaldinjos, por në “San Siro” doli në skenë Valiani. Milani zhgënjen në debutimin në Serinë A, duke humbur 2-1 në shtëpi me Bolonjën, që me një lojë të saktë neutralizonte sulmet e vendasve dhe ka ditur t‘i godasë kuqezinjtë në momentin e duhur. Ronaldinjo i ka mahnitur të gjithë të pranishmit në stadium, mbi të gjitha në pjesën e dytë me driblime dhe asiste, që në mënyrë të pabesueshme nuk u shfrytëzuan nga shokët e skuadrës. Edhe pse në merkaton e verës është rinovuar në kontingjent, skuadra e Ançelotit vazhdon të ketë të njëjtat probleme në çarjen e mbrojtjeve kundërshtare. Pra, fantazisti brazilian nuk ka mjaftuar, Shevçenko nuk ishte në lartësinë e duhur (edhe për shkak të emocioneve), Inzagi shpërdoroi të paktën tri raste të mira goli, ndërsa Pato nuk ka shenjë në këtë sfidë. Pjesa e parë u mbyll në barazim 1-1, ku Bolonja kaloi në mënyrë të papritur në avantazh, falë golit të realizuar nga Marko Di Vaio vetëm pas 18 minutave lojë. Milanistët “shkunden” dhe reagojnë menjëherë, por tentativat e shumta nuk arrijnë të kalojnë portierin Antonioli. Barazimi vjen vetëm katër minuta përpara pushimit mes pjesëve, kur një harkim i Ronaldinjos devijohet në rrjetë nga Ambrozini. Në fraksionin e dytë të lojës, kuqezinjtë shfaqen me ofensivë dhe të gjitha aksionet e rrezikshme nisen nga këmbët e Ronaldinjos, që dukej i papërmbajtshëm në krahun e majtë. Por, pasimet e tij nuk shfrytëzohen me radhë nga Inzagi, Sedorf e Shevçenko. Në të 78-ën, pikërisht në momentin më të mirë të Milanit, vjen edhe goli i avantazhit për miqtë: Valiani lëshon një goditje të jashtëzakonshme nga jashtë zonës, që frenohet vetëm nga rrjeta. Start jo të mirë të kampionatit ka bërë edhe Roma, që në fushën e saj frenohet nga Napoli. Sfida në stadiumin “Olimpik” përfundon në barazim 1-1, ku Hamsik i përgjigjet golit të Akuilanit. Verdhekuqtë nuk arritën të merrnin tri pikët, pavarësisht se napolitanët luajtën me 10 lojtarë që prej minutës së 54-rt, kur Santakroçe mori kartonin e dytë të verdhë. Debutim i jashtëzakonshëm i Lacios që fiton 4-1 në fushën e Kaljarit, ndërkohë që fitojnë edhe Atalanta, Kievo, Torino e Katania.

Pavarësisht humbjes së papritur 2-1 në “San Siro” me Bolonjën, Silvio Berluskoni vlerëson anët pozitive të asaj sfide. Plusi më i madh ka qenë padyshim Ronaldinjo, me të cilin presidenti i Milanit duket se është dashuruar që në debutim. Për “Mattino 5″, njëshi i kuqezinjve deklaroi: “Ashtu si të gjithë besonim dhe shpresonim, dje (të dielën) në ‘San Siro‘ pamë një Ronaldinjo të shkëlqyer. Ishte një ndeshje e pafat për ne, por ajo konfirmoi se braziliani është një kampion i jashtëzakonshëm. Jemi skuadra e vetme në botë që kemi në kontingjent tre futbollistë që kanë fituar ‘Topin e Artë‘: ai, Shevçenko dhe Kaka. Besoj se këta të tre, por edhe e gjithë skuadra, do të dhurojë spektakël jo vetëm për tifozët milanistë, por edhe për të gjithë ata njerëz që e pëlqejnë futbollin e bukur”.

Në minutën e 4-t të pjesës së dytë, braziliani i ka mahnitur të gjithë të pranishmit në stadium për kualitetin e lartë teknik të treguar me një finte të dyfishtë. Me këpucët e tij të gomuara dhe me lëkurë dhie në brendësi (për ta mbajtur ngrohtë nga këmbët), “Gauço” dhuroi spektakël me driblime prej iluzionisti: pesë herë i nxori shokët përpara portierit kundërshtar (duke përfshirë këtu edhe harkimin që solli golin e Ambrozinit) dhe gjithmonë me buzëqeshje në fytyrë. “Ishte më i miri në fushën e lojës”, tha Ançeloti. “Fantastik, i jashtëzakonshëm. Ky Ronaldinjo nuk i ngjason aspak lojtarit të dy viteve të mëparshme”, pohoi Galiani. Për zëvendëspresidentin e Milanit kjo sfidë ishte edhe konfirmimi se në ekip nuk u afrua vetëm një lojtar-imazh, por edhe një yll i vërtetë i top-këmbës. “Është rikthyer në nivelet e tij. Ky është Dinjo i vërtetë”, siguron Zambrota, që me fantazistin ka luajtur dy vjet te Barcelona. Megjithatë, braziliani tenton të qëndrojë modest. Përpara se të nisej drejt grumbullimit me “seleçaon”, duke shkundur kokën deklaroi: “Faleminderit për komplimentet, por nuk mund të jem i kënaqur kur skuadra nuk fiton”. Ata që e shoqëruan për në aeroport tregonin për një lojtar të zhgënjyer nga rezultati, i cili është ambientuar me skuadrën. “Kemi edhe shumë punë përpara dhe do të punojmë, shpjegoi më tej Ronaldinjo. Milani ka një skuadër të madhe dhe një trajner të madh: kemi përpara të gjithë kohën e nevojshme për të rikuperuar. Ndjehesha mirë, kryesisht në pjesën e dytë kur krijuam edhe shumë raste për shënim, por për fat të keq nuk ia arritëm”. Për 93 minuta, mesfushori bëri atë që askush nuk e priste: dribloi, krosoi, gjuajti dhe dhuroi asiste.

Superylli brazilian, Kaka, dje është kthyer në stërvitjet me Milanin, që tregon se është në rrugë të duhur për t’u shfaqur në ndeshjen përballë Genoas.

Ndeshja e javës së dytë të Serie A, ajo përballë Genoas, do të jetë momenti kur Kaka do të ketë edhe paraqitjen e parë këtë sezon. Parashihet se problemet me gjurin tashmë janë e kaluar, por edhe më tej dyshohet rreth asaj, nëse ai do të duhej të futej në operacion.

Kaka edhe pas operacionit i pati të njëjtat probleme si më parë, dhe pasi që u aktivizua 90 minuta gjatë Trofeut Tim, ai sërish u ankua për dhimbje në gju.

Por, pas një periudhe të caktuar pushimi, ai sërish është i gatshëm për t’u paraqitur në fushë.

Genoa ka mundur 2-0 Milanin, duke konfirmuar krizen qe po kalon skuadra e Anxhelotit kete fillim sezoni. Tre fituesit e topit te arte, Ronaldihno, Kaka dhe Shevcenko nuk kane bere asgje per t’i dhene skuadres se tyre fitoren e pare pas 2 javesh ne Serie A. 


Vendimtar ne ndeshjen e luajtuar ne “Luigi Ferraris” ishin golat e Sculli ne minuten e 29-te dhe ai i Milito 1 minute para perfundimit te ndeshjes. 

Nderkohe pas 5 vjetesh Lazio arrin te ngjitet ne krye te kampionatit italian, pas fitores 2-0 me Sampdorian. Per te mundur nje Sampdoria te rrezikshme ne pjesen e pare dhe te lodhur ne te dyten kane menduar Zarate me golin e tij ne minuten e 7-te dhe Pandev ne te 72-ten. 

Sulmuesit e Sampdorias, Cassano, Sammarco e Padalino nuk kane qene te qarte para portes se Lazio-s, nderkohe qe rasti i vetem i tyre ishte shtylla e Bottinelli. Ne krye se bashku me Lazion eshte ngjitur edhe Atalanta qe ka mundur ne transferte 0-1 Bolognen. Goli i tre pikeve u shenua ne minuten e 7-te nga Zarate.

Trajneri i Milanit, Carlo Ancelotti, ka deklaruar se takimi me udhëheqësit e klubit, që u zhvillua sot pas krizës së klubit, veçanërisht pas humbjes nga Genoa, ka kaluar mirë.

Adriano Galliani, sot ka ftuar trajnerin dhe përgjegjësin për përgatitjet fizike, Daniele Toniacini, që të kuptojë se kur ekipi do të luajë mirë dhe kur do të fillojë të fitojë, pas dy humbjeve në Serie A.

“Gjithçka është në rregull. U takuam me drejtuesit që të gjejmë zgjidhjen më të mirë për dalje nga kriza. Gjetëm zgjidhje”, ka thënë Ancelotti, duke refuzuar të komentojë më shumë.

Kuqezinjte dhe bardhezinjte kane menduar nderrimin koke me koke pasi Pato nuk po gjen me vend ne sulmin e Milanit, ndersa Ancelotti ka nevoje per nje mesfushor. 


Milan dhe Udineze do bejne nje shkembim lojtaresh ne muajin janar. Me demtimin e Andrea Pirlos, i cili do qendoje jashte fushave per disa muaj, kuqezinjte jane vene ne kerkim te nje mesfushori. 

Varianti me i mundshem eshte lojtari zvicerian i Udinezes, Gokhan Inler, i cili mund te kembehet me talentin brazilian Pato ne mes te sezonit. Nje faktor qe do ndikoje shume ne arritjen ose jo te marreveshjes do te jete edhe ecuria e Milanit deri ne muajin janar. 

Nga ana tjeter, braziliani Pato nuk po gjen hapqesira ne sulmin e tejmbushur te Milanit dhe huazimi do te ishte nje hap mjaft i rendesishem ne karrieren e tij, pasi ne “Friuli” ai do kete mundesine te aktivzohet si titullar. 

Per sa i perket helvetit Inler, ai shihet si nje lojtar me vlera per te zene nje vend ne mesfushen kuqezi, duke u bashkuar me lojtare si, Ambrosini, Gattuso, Pirlo e Flamini. 

Milani po përdor teknika të “Big Brother” për të monitoruar aktivitetin e futbollistëve gjatë seancave stërvitore. 

Milani po përdor teknika të “Big Brother” për të monitoruar aktivitetin e futbollistëve gjatë seancave stërvitore. 

Lajmi publikohet në të përditshmen “Corriere Dello Sport”, ku thuhej se drejtuesit e klubit synojnë që të marrin masa për fillimin aspak të mirë të sezonit. 

Zevendespresidenti Galiani ka kërkuar shpjegime për formën e dobët të skuadrës dhe Karlo Anceloti po ia siguron ato, të grumbulluara të gjitha në një “Dvd”.

Klubi ka vendosur kamera rreth fushave stërvitore në Milanelo, për të vëzhguar se sa të përqendruar janë futbollistët në stërvitje. 

Trajneri do t’i vëzhgojë dhe do të shohë se cili lojtar nuk po punon me seriozitet. 
 

Ylli i ri brazilian, Alexadre Pato, është i kënaqur që mund t’i dëgjojë këshillat e sulmuesit ukrainas Andriy Shevchenko.

“Jam i kënaqur që shënova gol, por po ashtu që edhe që ekipi fitoi. Jam i lumtur që luaj për një ekip të madh si Milani. Ditët e fundit kemi punuar mirë në stërvitje. E dimë se duhet të luajmë mirë edhe kundër Lazios”, ka thënë Pato pas ndeshjes së mbrëmshme kundër Zurichut.

“Kam mirëkuptim për të gjithë bashkëlojtarët e mi, për shembull Shevchenko më tregon se çfarë duhet të bëj në fushë, dhe jam i lumtur që mund t’i dëgjoj këshillat e në kampioni kaq të madh”, ka shtuar braziliani.

Organizatorët e miqësores së 14 tetorit ndërmjet Milanit dhe Tiranës synojnë që ta shndërrojnë trofeun “Taçi Oil” në një traditë të përvitshme. 

Rezart Taçi, personi që do të mundësojë ardhjen e Milanit në Tiranë, pohoi se kjo është një ide, ku klubi kuqezi mbetet pjesëmarrësi kryesor, por ku nuk përjashtohet edhe prezenca e skuadrave të tjera të Serisë A. 

“Mund të konfirmoj se Milani do të mbërrijë në Tiranë më datën 14 tetor. Pas më shumë se një muaj negociatash, më në fund marrëveshja për të mundësuar këtë ndeshje u nënshkrua”, tha Taçi në konferencën për shtyp, të organizuar së bashku me presidentin e Tiranës, Refik Halili.

“Mendoj që ardhja e Milanit do të ndikojë pozitivisht për sportin shqiptar, por edhe më tej. Shpreh kënaqësinë time që Milani do të luajë kundër ekipit të Tiranës dhe për këtë doja të falënderoja këtë skuadër dhe presidentin Halili. 

Ndërsa futbollistëve do t’i kërkoja një ndeshje dinjitoze. Trofeun shpresojmë ta kthejmë në një traditë. Edhe në bisedën me presidentin Halili, ideja është që ta kthejmë në një aktivitet të përvitshëm. 

Me Milanin, mbase edhe me ndonjë skuadër tjetër të Serisë A, por Milani është gjithmonë në krye”. Më tej, ai pohoi disa prej yjeve që do të luajnë në “Qemal Stafa”: “Do të kemi pjesëmarrjen e zv/presidentit Galiani, trajnerit Ançeloti, kapitenit Maldini dhe shumë futbollistëve të mëdhenj që luajnë me kuqezinjtë. 

Nga drejtuesit e Milanit u konfirmuan Kaka, Shevçenko, Ambrozini, Pirlo, Pato, Sedorf e Maldini. Më datën 6 tetor do të kemi edhe listën e plotë të skuadrës që do të vijë në Tiranë. 

Por, në bashkëbisedimet që kam pasur me krerët milanistë jemi me fat, pasi në atë periudhë nuk do të ketë grumbullime për lojtarët e këtij klubi. Besoj vetëm një ose dy prej tyre do të jenë me kombëtaret respektive”.

Nga ana e tij, drejtuesi i klubit bardheblu, tha se Tirana ishte zgjedhja e duhur për këtë ndeshje. 

“Dua të falënderoj presidentin e ‘Taçi Oil’ që mundësoi ardhjen e këtij ekipi, i cili dihet që është një prej më të mëdhenjve të kontinentit dhe për zgjedhjen e Tiranës si kundërshtar në këtë ndeshje. Mendoj se zgjedhja ishte e mirë. Do të bashkëpunojmë dhe si klub do të bëjmë gjithçka që do të na caktohet, për të pasur një paraqitje sa më dinjitoze në këtë ndeshje të rrallë, por që shpresojmë të përsëritet edhe në të ardhmen”, tha Halili.

“Trofeu i kësaj miqësoreje ka rëndësinë e saj, por kuptohet se Milani është një ekip shumë i madh dhe për ne është fat që luajmë me ta. Do mundohemi të jemi sa më dinjitozë, pasi nëse do të thosha se aty do të shohim se cila është Tirana e vërtetë mund të ishte e pavend”.

Kuqezinjte kane si alternative te vetme fitoren, ndersa bardhekalterit udhetojne ne "San Siro" edhe per nje barazim. 


Java e trete e Serie A do ta perqendroje vemendjen ne ndeshjen me te forte, ate mes Milanit dhe Lacios. Ndryshe nga sa parashikohej ne fillim te sezonit, skuadrat ndodhen ne vende te ndryshme, Lacio e para si udhehqese e renditjes me 6 pike dhe me nje golavarazh 6-1, ndersa Milan ne vendin e fundit me golavarazhin 1-4. 

Organikat e dy skuadrave flasin ndryshe, por ajo cfare kane dhene ne fushe bardhekalterit kane qene gola dhe spektakel, ndersa Milani i Ancelotti-t vetem zhgenjim. Ndeshja e se dieles ne darken e “San Siro” njeh vetem nje shenje per kuqezenjte dhe ajo eshte fitorja, ndersa kryeqytetasit e Delio Rossi-t udhetojne me kembe ne toke, duke deklaruar se do jene te kenaqur edhe me nje barazim. 

Nje tjeter ndeshje brenda ndeshjes do te jete edhe ajo mes lojtareve me te vjeter te Serie A dhe formacionit me te ri. Po keshtu, nje tjeter sfide eshte edhe ajo mes emrave te luksit, Ronaldinho, Shevchenko, Pato, Kaka, perballe modesteve Zarate dhe Pandev. 

Takim tjeter qe nuk duhet humbur eshte Fiorentina-Roma, dy skuadra qe vijne nga ndeshjet europiane me shije te ndryshme.

Pirlo do mungoje per rreth 2 muaj pasi pesoi nje terheqje muskulare gjate stervitjes me grupin kuqezi para pak ditesh. 


Lajme te keqija per trajnerin e Milanit, Carlo Ancelotti. Tekniku kuqezi nuk do kete ne dispozicion per rreth 2 muaj mesfushorin Andrea Pirlo, nje prej lojtareve me te rendesishem te skuadres. 

Regjisori i kombetares italiane u demtua para pak ditesh ne stervitje, duke pesuar terheqje muskulare te shkalles se dyte ne kofshen e djathte. Lajmin e ben te ditur faqja ne internet e skuadres me qender ne rrugen “Turati”. 

Mungesa e Pirlo-s vjen ne nje moment mjaft delikat per Milanin. Ndeshjet e radhes per kuqezinjte qe kane 0 pike ne renditje, jane ato kunder Lacios, Rexhines, Interit dhe Kaljarit. 

Nderkohe, i gatshem eshte Genaro Gattuso, i cili ne ndeshjen ndaj Zyrihut qendroi ne stol, por kunder Lacios ai do ta nise takimin qe nga minuta e pare.

Superylli i Milanit, Kaka, pranon se Cristiano Ronaldo duhet ta fitojë Topin e Artë, ndërsa thotë se është edhe adhurues i Jose Mourinhos.

“Nëse jam unë ai që duhet të vendosi për Topin e Artë, pa u menduar do t’ia jepja Cristiano Ronaldos. Mendoj se ai e meriton këtë shpërblim më shumë se çdokush tjetër”, ka thënë Kaka.

Braziliani, po ashtu ka thënë se është tifoz i trajnerit të ri të Interit, Jose Mourinho.

“Transferi më i mirë? Mendoj se është Ronaldinho. Mund të them se shumë më pëlqen edhe Mourinho. Veçanërisht komentet e tij, të cilat gjithmonë janë në faqet kryesore. Ata nuk janë fyese, vetëm se janë qesharake”, ka shtuar Lojtari më i Mirë në Botë.

Sulmuesi i Milanit, Andriy Shevchenko, beson se ai ngadalë po rikthehet nё formёn e vjetёr tё tij, pas paraqitjes sё mirё kundër Zurichut nё Kupёn UEFA.

Ukrainasi, pas njё dështimi nё Chelsea, u rikthye nё Milan kёtё verё, ku kaloi shtatё vite tё shkëlqyeshme nё periudhën 1999-2006. 

“Ishte ndeshja e parё qё u ndjeva mirё pas njё kohe tё gjatё. Ndjehem sikur jam nё drejtimin e duhur, por jam i vetёdijshёm se kam shumё punё pёr tё bёrё”, ka thёnё Shevchenko, duke komenduar fitoren e fundit.

Ndeshjen e ardhshme Milani do ta zhvillojё nesër kundër liderit tё tabelës sё Serie A, Lazio.

“Tash ёshtё e rёndёsishme tё fitojmë kundër Lazios tё dielën, qё tё mos mbesim shumё prapa nё kampionat. Do tё jetё njё ndeshje e vështirё, por ne do tё përpiqemi tё nxjerrim rezultat pozitiv”, ka shtuar ukrainasi.