Kartelë e memories me kapacitet 32 gigabajt

Panasonic ditë më parë ka paralajmëruar kartelën e memories SD High Capacity me kapacitet prej hiç më pak se 32 gigabajt. Kartela do fillojë të shitet gjatë muajit prill të këtij viti, me çmim prej rreth 700 dollarësh (480 euro).

Kartela e zhvilluar rishtazi është ideale për incizimin e video materialeve. Qëkur në treg janë paraqitur kamerat High Definition SD, vazhdon të rritet kërkesa për kartelat SD me kapacitet të madh. Me kartelat prej 8 gigabajtësh nuk çuditet më askush. Në këtë kartelë megjithatë mund të vendosen 12 orë të video materialit HD në formën HE, apo katër orë të rezolucionit të lartë në HA formë.

Kartela e ka edhe etiketën e re, në të cilën mund të shkruani drejtpërsëdrejti titullin dhe përmbajtjen e video përmbajtjeve të vendosura brenda saj.

Përparësi e kartelës së re është se mund të durojë temperatura ekstreme. Prandaj nuk duhet të bëheni merak nëse e përdorni në borë, apo edhe nëse e harroni në makinë gjatë verës.

Çmimi i kartelës tani për tani është mjaft e lartë, marrë parasysh se disa prej kartelave më të vogla me kapacitet të përgjithshëm sa edhe kjo mund t’i blini shumë më lirë, mirëpo çmimi i memorieve flash po bie, prandaj mund të presim që edhe kjo kartela do të ketë çmim të përshtatshëm për blerësin e rëndomtë