Ford ofron Volvon për gjashtë miliardë dollarë

Edhe pse në disa raste spekulimet e mediave për shitjen e Volvos janë hedhur poshtë si të pabaza, prodhuesi Ford, duket se e ka ndërruar mendjen.

Sipas informatave tani për tani të pakonfirmuara, Ford për Volvon kërkon 6 miliardë dollarë, që është diç më pak sesa që amerikanët për prodhuesin suedez kanë paguar në vitin 1999 – 6.4 miliardë dollarë.

Qëllimi i shitjes së Volvo Ford përveç injeksionit të kapitalit të freskët do të siguronte edhe poenë të ri tek qeveria amerikane tek e cila Ford, së bashku me General Motors dhe Chrysler, janë duke kërkuar ndihmë prej 25 miliardë dollarë.

Analistët megjithatë vlerësojnë se përkundër çmimit të arsyeshëm Ford nuk do të ketë fat me shitjen e Volvos. Prodhuesi suedez ka deklaruar përfitime 25 për qind më të ulëta në tremujorin e tretë dhe ka qenë i shtyrë të kërkoj ndihmën financiare nga qeveria si dhe të largojë nga puna mijëra punëtorë.